LATÍN II: DATAS 1º PARCIAL 1ª AVALIACIÓN

As datas do 1º parcial da 2ª avaliación de Latín II quedan como estaban previstas inicialmente: mércores 10 de novembro: morfoloxía e relectio. venres 12 de novembro: control traducción. Quedan, xa que logo, ANULADOS os cambios acordados previamente na aula.

CCL: PROBA IMPRESS MÉRCORES 17 DE NOVEMBRO

A proba práctica sobre o uso do IMPRESS que estaba prevista para o mércores 10 de novembro, queda aprazada para MÉRCORES 17 DE NOVEMBRO.  O exercicio segue a consistir no mesmo que se indicaba na comunicación anterior, pero ademais hai que engadir: un fondo ás diapositivas (de calquera tipo) efectos ó esquema inicial efectos para a transición das diapositivas. Lembrade que ANTES do MARTES 16 DE NOVEMBRO debedes subi-lo resumo en modo esquema cos contidos tratados na aula sobre Roma. Isto é moi importante.

CCL: PROBA PRÁCTICA DE USO DO IMPRESS

O vindero mércores, 3 de novembro, habemos explica-lo uso das notas nunha presentación, algunhas cousas sobre os fondos, etc. e repasaremos rapidamente todo o visto ata agora no IMPRESS para pasarmos, se hai tempo, á explicación do uso do SLIDESHARE.  O mércores 10 de novembro faremos unha proba práctica na aula sobre o uso do IMPRESS, para que demostréde-lo que aprendestes na clase. A proba consistirá no seguinte: antes do mércores 10 de novembro elaboraredes unha presentación básica no modo esquema, cos contidos vistos na aula sobre Roma. O nome do arquivo será PROBA_IMP_(O VOSO NOME). Este arquivo debe ter, polo menos, 4 diapositivas (cantas máis mellor), pero só texto. subiredes esta presentación ó cartafol PROBA_IMPRESS no cartafol CCL de BSCW. O mércores 10 de novembro, na aula, baixaredes este arquivo e na aula engadiredes, polo menos: un esquema inicial con figuras e frechas ligazóns internas, que leven dende esas figuras á diapositiva na que se desenvolven eses contidos. cada páxina debe ter, polo menos, unha ligazón interna para volver ó esquema inicial.  ligazóns externas, que leven a páxinas que dean máis información ou a mapas. Unha vez rematado o exercicio, volveredes subi-lo arquivo ó cartafol de BSCW.

CCL: Material para clase de mércores 27 de outono de 2010

Intruccións: Baixa-lo arquivo que se achega. Aprenderemos a: Copiar e pegar figuras. Crear ligazón internas. Crear ligazóns externas. Ó remate da clase: Subiremo-lo arquivo ó cartafol compartido en BSCW > Cultura Clásica > PROBA 04.

CCL: TAREFA 26-10-2010

Ola, pinchade nesta ligazón (aquí) para irdes ó foro de departamente e facerdes esta actividade sobre un dos contidos tratados na clase de hoxe, martes 26 de outono.

CULTURA CLÁSICA: TAREFA DA CLASE DE MÉRCORES 20 DE OUTUBRO

Lembrade que a tarefa que vos puxen o mércores 20 de outubro foi a seguinte:

*facerdes unha presentación que teña unha soa diapositiva

*nesa diapositiva tedes que facer un esquema coas ideas fundamentais do lido na clase sobre Grecia.

*Tedes que utiliza-los recursos que vimos na clase (figuriñas, frechas, conectores, etc.).

É importante que sexades creativos/as e, a poder ser, que o resultado do voso traballo sexa visualmente atractivo (ou agradable).

Ó arquivo da actividade chamarase "proba003"e o voso nome.

Tédelo que subir ó cartafol compartido de BSCW, onde atoparedes un novo cartafol que se chamará PROBA003.

A data tope é luns 25 de outubro (incluído).

GREGO I: DATAS DOS EXAMES DA 1ª AVALIACIÓN

As datas dos exames da 1ª avaliación son as seguintes: Xoves 4 de novembro de 2010: 1ª parte control: morfoloxía. Luns 8 de novembro de 2010: 2ª parte control: traducción e análise sintáctica e morfolóxica. Venres 10 de decembro de 2010: 1ª parte exame 1ª avaliación: morfoloxía. Luns 13 de decembro de 2010: 2ª parte exame 1ª avaliación: traducción e análise sintáctica e morfolóxica.